Saber quién ye la to distribuidora ye importante, especialmente si tienes una avería o necesites facer una xestión técnica rellacionada col to suministru. Tienes delles formes de sabelo:
1. Mira la to factura de la lluz
Na mayoría de les factures apaez el códigu CUPS (Códigu Universal del Puntu de Suministru). Los primeros díxitos depués d’«ES» indiquen quién ye la to distribuidora. Por exemplu:
- ES0021 → Endesa Distribución
- ES0022 → Iberdrola Distribución
- ES0026 → E-Redes (enantes Viesgo)
- ES0031 → Naturgy
- ES0033 → Viesgo Distribución
Tamién pue apaecer directamente’l nome de la distribuidora.
2. Pela to zona xeográfica
N’España existen cinco grandes distribuidoras qu’operen per zones:
- Endesa Distribución: Andalucía, Cataluña, Aragón, Baleares, Canaries…
- Iberdrola Distribución: Castiella y Lleón, Comunidá Valenciana, País Vascu…
- E-Redes Distribución Eléctrica (Grupu EDP): Asturies
- Naturgy (Unión Fenosa): Galicia, Madrid, Castiella-La Mancha
- Viesgo Distribución (EON): Cantabria, norte de Castiella y Lleón
Amás, existen más de 300 pequeñes distribuidoras locales que funcionen en zones concretes, especialmente rurales.
Pues consultar el llistáu completu y oficial de distribuidores eléctriques que publica la CNMC nel so testu «Listado de Distribuidores de Energía Eléctrica – CNMC».
¿Cuándo tengo que contactar cola mio distribuidora?
Has dir a la to distribuidora (y non a la to comercializadora) si:
- Tienes una avería o un corte de lluz.
- Quies consultar una llectura del contador.
- Necesites dar d’alta un suministru nuevu.
- Vas facer una ampliación de potencia.
- Tienes un problema técnicu cola to instalación.
De toles maneres, en Masnorte tamos p’ayudate: si tienes duldes o nun sabes con quién contactar, pues llamanos y orientámoste.