Pasa a Masnorte

Contratar la lluz con Masnorte ye un procesu cenciellu y ensin complicaciones.
Pues entamar el trámite al traviés del nuestru sitiu web o per teléfonu.

Namás necesites apurrir:

• Los tos datos personales.
• El Códigu Universal del Puntu de Suministru (CUPS).
• Una cuenta bancaria pa la domiciliación de los pagos.

Nós encargámonos del restu, garantizando una transición ensin interrupciones nel to suministru eléctricu.

La potencia eléctrica afayadiza depende del tamañu de la to vivienda y del númberu d’electrodomésticos qu’uses al tiempu. En Masnorte ayudámoste a calcular la potencia óptima pa evitar pagar de más y garantizar un suministru afayadizu a les tos necesidaes.

Amás, recuerda que cobramos pola potencia contratao exactamente lo que marca’l BOE, ensin márxenes añadíos. Esto convíertenos nuna opción ideal pa consumos estacionales o ocasionales. Tratamos esti conceptu, igual que’l restu de componentes regulaos, con total tresparencia. En definitiva, cuando nun uses enerxía, nun pagues de más.

En completando’l procesu de contratación, vas recibir una confirmación per parte de Masnorte. Amás, pues acceder a la to área de cliente na nuestra web pa verificar l’estáu del to contratu y consultar tola información rellacionada col to suministru.

En Masnorte ufiertamos tarifes de lluz tresparentes y adaptaes a les tos necesidaes. Les nuestres tarifes básense nel preciu real del mercáu eléctricu (OMIE), ensin sobrecostes tapecíos.

Amás, ufrimos un serviciu d’atención al cliente cercanu y ensin permanencia, pa que tengas la llibertá d’escoyer lo que más te convién.

Puedes consultar la nuestra páxina de Planes de precios pa más información.

L’aforru al cambiar pa Masnorte depende del to consumu actual y de les condiciones del to contratu anterior. Al ufrir tarifes basaes nel preciu real del mercáu y quitar costes adicionales, munchos de los nuestros clientes noten una reducción significativa na so factura eléctrica. Pa una estimación más precisa convidámoste a contactar col nuestru equipu, que va analizar el to casu particular.

En Masnorte nun aplicamos cláusules de permanencia nos planes de lluz de la casa. Creemos na llibertá de los nuestros clientes pa decidir lo meyor pa ellos, ensin atadures nin penalizaciones por cancelación anticipada.

En Masnorte suministramos enerxía 100 % renovable, certificao pola Comisión Nacional de los Mercados y la Competencia (CNMC).

Llevamos un llargu percorríu trabayando nel mercáu del autoconsumu y la enerxía fotovoltaico, y el nuestru compromisu ye ufrir una enerxía más llimpio y sostenible, contribuyendo a la reducción d’emisiones y al curiáu del mediu ambiente.

Si vives d’alquiler, pues contratar la lluz con Masnorte. Namás necesites ser el titular del contratu de suministru o contar cola autorización del propietariu.

El nuestru equipu va guiate nel procesu pa que seya lo más cenciello posible.

Pa una segunda vivienda, recomendamos una tarifa que s’axuste al usu esporádicu del inmuebe. En Masnorte analizamos el to patrón de consumu pa ufrite la opción más eficiente y económica, ensin costes innecesarios.

Masnorte ye una comercializadora eléctrica española con esperiencia nel sector y un modelu claru:

• Enerxía 100 % renovable.
• Precios tresparentes.
• Atención directa.

Detrás de la marca hai un equipu profesional que tamién trabaya nel diseñu y la instalación de sistemes fotovoltaicos, con un altu nivel de satisfacción ente los sos clientes.

El nuestru compromisu ye ufrir un serviciu honestu, ensin lletra pequeño nin atadures, lloñe de les práctiques habituales de munches grandes compañíes eléctriques.